உங்கள் ப்ளாகில் பாலோயர்களை அதிகரிக்க சில வழிகள்?

பாலோயர்களை தேடி ஒரு பயணம்:

நாங்கள் புதிதாக வலைப்பூ ஆரம்பித்த போது மொத்தம்
இருந்தது மூன்று பாலோயர்ஸ் ஒன்று நான், மற்றவர்கள்
சித்துவும் நட்டும்.நான் பிற வலைப்பூக்களை பார்க்கும் போது
200,300 பாலோயர்ஸ் இருந்தார்கள், கண்டிப்பா இது ஒரு
பெரிய சாதனை தான் என்று நினைத்தேன். அப்புறம் நம்ம
வலைப்பூவுக்கு யார் சேர போற என்று எண்ணினேன்.
ஆரம்பித்த ஏழு மாதத்தில் 80 பாலோயர்ஸ் இது கொஞ்சம்
கம்மி என்றாலும் என்னை நம்பியும் சேர்ந்து இருக்காங்க
என்று நினைக்கும் போது புல் அரிக்கிறது.

யாரும் சிக்கலையே.......?

சரி விஷயத்துக்கு வரேன்.....
கடந்த ஒரு மாதமாக ஒரு பாலோயர் கூட சேரவில்லை,
அது ஏன் என்றால் நண்பர் சித்து இப்போது அவ்வளவாக
இடுகை ஈடவில்லை என்பதே காரணம்.

************************************
ஆறு மாதங்களுக்கு முன்...

நண்பர் நட்டுவிடம் தன் ஆபிஸ் நண்பர்களை பாலோயர்களாக
சேர்த்து விட சொன்னேன்.நட்டு அவர்கள் சும்மா சேர்த்து
விட முடியாது தனக்கு அமௌன்ட் வேணும் என்றார். ரைட்
தலைக்கு பத்து ரூபாய் பேரம் பேசி ஒரு முடிவுக்கு வந்தோம்.
முதலில் பத்து பேரை சேர்த்து விடு நூறு ரூபாய் தந்து
விடுகிறேன் என்றேன்.அட்வான்ஸ் கொடு என்றார் நட்டு.
நீ சேர்த்து விடு நான் அப்புறம் முழுவதுமாக தருகிறேன்
என்றேன். நான் அட்வான்ஸ் தராத கோபத்தில் திரு.நட்டு
அவர்கள் இன்று வரை ஒருவரை கூட பாலோயர்களாக
யாரையும் சேர்க்கவில்லை.

********************************************

பாலோயர்கள் வரவேற்கப்படுகிறார்கள்.......

மாதம் தோறும் ஹாங்காங் செல்ல வாய்ப்பு...

சேருங்கள் இப்போதே ஜெட்லி வலைப்பூவின் பாலோயர்களாக.
குலுக்கல் முறையில் தேர்ந்து எடுக்கப்படும் மூன்று நபர்களுக்கு
ஹாங்காங் சென்று வர ஏற்பாடு செய்து தரப்படும்.
*** condition apply .

*** ஹாங்காங் செல்ல தேர்ந்து எடுக்கப்படும் பாலோயர்களுக்கு மீனம்பாக்கம் விமான நிலையம் வரை பேருந்து வசதி
மட்டுமே ஏற்பாடு செய்து தரப்படும்.மிச்சப்படி ஹாங்காங் போறதுக்கு டிக்கெட், தங்கும், மற்றும் சாப்பிடும் செலவு நீங்களே ஏற்று கொள்ள வேண்டும்.

**************************************

இது இன்னொரு சலுகை:

இப்போது பாலோயர் ஆகிறவர்களுக்கும் ஏற்கனவே இருப்பவர்களுக்கும் நவராத்திரி மற்றும் ஜெட்லியின் அன்பு பரிசாக கந்தசாமி

படத்துக்கே வாழ்த்து தெரிவித்து தியேட்டர்களை விட்டு கொடுத்த

"சிவகிரி" படத்தின் நூறாவது நாள் டிக்கெட் உங்கள் இல்லம் தேடி வரும்.

போனஸ் செய்தி: இந்த படத்தை பார்ப்பதற்கு நீங்கள் பாதி மோட்சம் அடைந்ததற்கு சமம்....ஆமாங்க படம் மினி மோட்சத்தில் ஓடுகிறது.

***********************************

கம்பெனி விளம்பரம்:

ஜெட்லி MLM டிவிசன் வழங்கும்:

எங்கள் ப்ளாகில் ஆள் சேர்த்து விட்டால் ஸ்டார் அந்தஸ்து கொடுக்கப்படும் என்பதை தெரிவித்து கொள்கிறோம்.

# பத்து பேரை சேர்த்து விட்டால் சில்வர் ஸ்டார்.

#இருபது பேரை சேர்த்து விட்டால் கோல்டன் ஸ்டார்.

#நூப்பது பேரை சேர்த்து விட்டால் பிளாட்டினம் ஸ்டார்
அந்தஸ்து வழங்கப்படும்.

#எங்களுக்கு வரும் ஒவ்வொரு பாலோயர்களும் எங்களுக்கு ஒரு
தல தான் அதாங்க அல்டிமேட் ஸ்டார்...

****************************************

பின்னூட்டம் போடாதவர்களுக்கு ஒரு கோரிக்கை:

அப்புறம் பின்னூட்டம் வர வர ரொம்ப கம்மியா வருது...
ஒரு மொக்கை படத்துக்கு வர பின்னூட்டத்தில் பாதி
கூட நல்ல படத்துக்கு வரல... அதான் உண்மை.
அதனால் நிறைய பின்னூட்டம் போடுபவர்களுக்கு ஒரு
மாதம் மாதம் ஒரு அமௌன்ட் அனுப்பி வைக்கலாம்
என்ற யோசனையில் உள்ளேன்.கூடிய விரைவில்
கம்பெனியில் பேசி ஒரு முடிவு எடுக்கப்படும்.

இந்த யோசனைகள் மற்றும் பரிசை அனைவரும் இலவசமாக
பெற ஒட்டு போடுங்கள்....

நன்றி
ஜெட்லி சரண்