கந்தசாமி - விமர்சனம்.

கந்தசாமி - விமர்சனம்.

நானும் நண்பரும் படத்தை மாயஜாலில் பார்ப்பது என்று முடிவு செய்து,
மாயஜாலை நோக்கி புறப்பட்டோம்.மதிய சாப்பாட்டு வேலை என்பதால்
வழக்கம் போல் மாயாஜால் முன்னாடி இருக்கும் ரேவதி ஹோட்டலில்
பரோட்டா மற்றும் வீச்சு சாப்பிட்டோம்.

படம் வழக்கம் போல் லேட் ஆகதான் போட்டார்கள், படம் பார்த்த பத்து
நிமிடத்திலேயே,வேகாதது பரோட்டா மட்டும் இல்லை கந்தசாமியும் தான்
என்று தெரிந்தது. இயக்கனர் சுசி அவர்களிடம் இப்படி ஒரு சுவாரசியம்
இல்லாத திரைக்கதையை நான் சத்தியமாக எதிர்பார்க்கவில்லை.
ஒரு ஒரு காட்சிகளின் நீளமும் சற்று அதிகம் தான். என்னால் மூணு
மணி நேரம் உக்காந்து படத்தை பார்க்க இயலவில்லை என்பதே உண்மை.

நம் தமிழ் சினிமாவுக்கு வழக்கமான கதை தான் என்றாலும், படத்தில்
சில புதுமைகள் இல்லாமல் இல்லை.ஸ்ரேயாவுக்கு விக்ரம் ஒரு வரியில்
பதில் சொல்வது, கோழியாக வரும் கந்தசாமி எப்படி பறக்கிறார் என்று
லாஜிக் இடிக்காமல் சொல்லி இருக்கிறார் சுசி.ஏகாம்பரத்தின் ஒளிப்பதிவு
மிக அருமை. பாடல்கள் ஏற்கனவே ஹிட் என்பதால் அதை பற்றி சொல்ல
தேவை இல்லை.

இருக்கிறவன் கிட்ட எடுத்து இல்லாதவன் கிட்ட கொடுக்கும் ராபின் ஹூட்
கதை தான் கந்தசாமி. ஆனால் உப்பு சப்பு இல்லாத காட்சிகளால் நம்மளை
நோக அடிக்கிறார் கந்தசாமி. ஹை டெக் என்ற ஒரு வார்த்தையை மட்டும்
எடுத்து திரைக்கதையில் கோட்டை விட்டு விட்டார் இந்த சாமி.
சண்டை போடுறவன் மெக்சிகோ நாட்டுல போட்ட எனக்கென்ன திரிசூலம்
மலையில சண்டை போட்ட எனக்கென்ன, என்னா ஒரு பில்ட் அப்.

கந்தசாமியிடம் இருந்து நம்மை மீட்பவர்கள் இருவர் ஒருவர் வடிவேலு,
இன்னொருவர் ஷ்ரேயா என்றால் மிகையல்ல.படத்தின் நீளம் நமக்கு
கண்டிப்பாக கொட்டாவி வர வைக்கும் என்பதில் எந்த ஐயமும் இல்லை.
ஆக மொத்தம் WATCH AT UR OWN RISK.

போனஸ் செய்தி:

கந்தசாமி பார்த்த மகிழ்ச்சியில் வீட்டுக்கு ஒன்னும் இல்லங்க 40K.M ஸ்பீட்ல
தான் வந்தேன். எங்க இருந்து வந்தான் தெரியுல ஓவர் ஸ்பீட் அப்படின்னு
சொல்லி அம்பது ரூபாய் ஆட்டையை போட்டுட்டான். கந்தசாமி நல்லா
இல்லன்னு கூட எனக்கு வருத்தம் இல்லங்க, E.C.R. ரோட்ல 40K.M ஸ்பீட்ல
வந்தது தப்பாம்......?....

ஜெட்லி பஞ்ச்:

கந்தசாமி --- ஒன்னும் சொல்றதுக்கு இல்ல சாமி.


இந்த விமர்சனம் பெரும் மக்களை சேர ஒட்டு போடவும்.

உங்கள்
ஜெட்லி.