காலத்தை மீறிய கனவு

தன் வாழ்நாளில் வராத சுதந்திரத்தை கனவில் கண்டு பள்ளு பாடிய ரௌத்திர கவிஞனின் பிறந்த தினம் இன்று

உண்ணாவிரதம் இருந்தால் தனி மாநிலமென்ன, தனிநாடே கிடைக்கும் என்ற இன்றைய சூழலில், ஒரு நூறாண்டுகளுக்கு முன்பே, எங்கள் மகாகவி எழுதிய இரு கவிதைகள் இதோ,

"நெஞ்சு பொறுக்குதில்லையே - இந்த
நிலைகெட்ட மனிதரை நினைந்துவிட்டால்
கொஞ்சமோ பிரிவினைகள் - ஒரு
கோடியென் றாலது பெரிதாமோ ?"

"வெள்ளை நிறத்தொரு பூனை - எங்கள்
வீட்டில் வளருது கண்டீர்;
பிள்ளைகள் பெற்றதப் பூனை, - அவை
பேருக் கொருநிற மாகும்.

சாம்பல் நிறமொரு குட்டி - கருஞ்
சாந்து நிறமொரு குட்டி,
பாம்பு நிறமொரு குட்டி - வெள்ளைப்
பாலின் நிறமொரு குட்டி.
எந்த நிறமிருந்தாலும் - அவை
யாவும் ஒரேதர மன்றோ?
இந்த நிறம்சிறி தென்றும் - இஃது
ஏற்ற மென்றும் சொல்லலாமோ?
வண்ணங்கள் வேற்றுமைப் பட்டால் - அதில்
மானுடர் வேற்றுமை யில்லை;
எண்ணங்கள் செய்கைக ளெல்லாம் - இங்கு
யாவர்க்கும் ஒன்றெனல் காணீர்."