பாஸ்ட் பைவ் - (FAST FIVE)

பாஸ்ட் பைவ் - (FAST FIVE)



சில மாதங்களாகவே ஆங்கில டப்பிங் படங்களை அதிகமா மிஸ் பண்ணேன். அதுவும் பைலட் தியேட்டரை ரொம்பவே மிஸ் பண்ணேன். அப்படி பீல் பண்ற அளவுக்கு பைலட் தியேட்டர் என்ன பெரிய அப்பாடக்கர் தியேட்டர்ரா?? நீங்க கேட்கலாம். என்னை மாதிரி ஆங்கில டப்பிங் படம் பார்ப்பவர்களுக்கு பைலட் தியேட்டர் ஒரு வரபிரசாதம் தான். கண்டிப்பா எல்லாம் ஆங்கில டப்பிங் படங்களும் ரீலீஸ் ஆகும் அதிகபட்ச விலையே அம்பது ரூபாய் தான். ஏ.சி.யம் ஓரளவுக்கு இருக்கும். ஆனா பைலட்க்கு குடும்பத்தோட
போறதுக்கு ஏத்த தியேட்டர் இல்லை...!!

சரி நாம வேகம் அஞ்சுக்கு போவோம்.சரியா பத்து ஆண்டுகள் ஆச்சு fast and furious படத்தோட முதல் பாகம் வந்து . நான் டி.வி.டி.யில் தான் பார்த்தேன். அந்த பாகத்தில் வின் டீசல் விடவும் என்னை அதிகமா கவர்ந்தவர் பால் வாக்கர் தான். அசால்ட்டா நடிப்பார். அதே மாதிரி பால் வாக்கர் நடித்த eight below என்ற படத்துக்கும் நான் ரசிகன். eight below படத்தை மோட்சத்தில் பார்த்ததாக நினைவு.

இந்த படம் fast and furious படத்தோட அஞ்சாம் பாகமா நினைச்சா அது உங்க தப்பு. வேணும்னா மூணாம் பாகம்னு சொல்லலாம். நடுவில் ஜப்பான் படம் கூட fast and furious என்ற தலைப்பில் வந்தது அது பத்தி எனக்கு எதுவும் தெரியல. இந்த படத்தில் வின் டீசல், பால் வாக்கர், ராக்னு செம கூட்டணி.படம் கிட்ட தட்ட ரெண்டு ஹவர் ஓடுது. இந்த தடவை கதை ரியோவில் நடக்குது ரியோவில் இருக்குற ஒரு பெரிய டான் கிட்ட இருந்து கொள்ளை அடிக்க ப்ளான் போடுறாங்க....

ராக் போலீஸ் ஆக வருகிறார் கொஞ்ச சீன் வந்தாலும் இவர் வர்ற சீன்ல தான் தியேட்டர்ல செம கைத்தட்டு. இவருக்கும் வின் டீசல் க்கும் நடக்கும் சண்டை காட்சி செம. பால் வாக்கர் வழக்கம் போல் நல்லாவே பண்ணி இருக்கிறார். பாகம் ரெண்டில் வந்த நீக்ரோ நடிகர் இதிலும் வருவார். கிட்ட தட்ட OCEANS படம் மாதிரி இருந்தாலும் இதில் அக்சன் காட்சிகள் செம. கடைசியில் அவர்கள் லாக்கரை லவட்டிட்டு போகும் காட்சி சூப்பர் .

விறுவிறுப்பா...அனல் பறக்கும் சண்டை காட்சிகள்.. இந்த விடுமுறையை கழிக்க கண்டிப்பா இந்த படத்துக்கு போங்க . என்டர்டைன்மன்ட் கியாரண்டி...!!

தியேட்டர் நொறுக்ஸ் :

# நான் போனது திங்கள்க்கிழமை என்பதால் ஓரளவுக்கு தான் கூட்டம் இருந்தது. இன்டர்வல் அப்ப ஒருத்தரை பார்த்தப்போ எங்கையோ பார்த்த மாதிரி இருந்ததுனு பார்த்தா நம்ம வடிவேலு புகழ் சிங்கமுத்து பையன்.

# சிக்காத சிறுத்தைகள் அப்படின்னு வேற ஒரு டைட்டில் இந்த படத்துக்கு...
ரூம் போட்டு யோசிப்பாங்களோ....!!

# ராக் அறிமுக காட்சியில் தியேட்டர்ல செம விசில் பறந்தது....

# படம் முடிஞ்சவுடன் நேர பர்மா பஜார் பக்கம் போய் அத்தோ சாப்பிட போயாச்சு....


ஜெட்லி...(சரவணா...)

இதுதான்டா எங்க பவரு ....!!

இதுதான்டா எங்க பவரு ....!!


வெளியீடு : பவர் ஸ்டார் அகில கெரகம் ரசிகர் மன்றம்.

வெற்றி வெற்றி...லத்திகா வெற்றிகரமாக அம்பதாவது நாள் ஓடி அதையும் தாண்டி எப்படியாவது காசு கொடுத்து நூறு நாள் கூட வெற்றிகரமாக கண்டிப்பா ஓடும்னு எனக்கு நம்பிக்கை இருக்கு... நம்ம பவரு ஸ்டார்க்கு கிடைத்த வெற்றி தமிழனுக்கு கிடைத்த வெற்றி.... இந்த படத்தை பார்த்து நொந்து நூடுல்ஸ் ஆன அனைத்து பவர் ரசிகர்களுக்கும் எமது மனமார்ந்த நன்றிகளை தெரிவித்து கொள்வதில் பெருமை அடைகிறோம்.....

ஆனந்த தொல்லை....

அடுத்து நமக்கு தொல்லை கொடுக்க மன்னிக்கவும் தூக்கத்தை கெடுக்க வரபோகும் படம் தான் ஆனந்த தொல்லை நம்ம பவர் நடித்தது....நம்ம அண்ணன் பவர் ஸ்டார்க்கு ஏத்த மாதிரி நாயகி, முன்னால் அழகி இந்நாள் கிழவி வாணி விஸ்வநாத் நடித்து இருக்கிறார். கூடவே கவர்ச்சி அணுகுண்டு பாபிலோனா கூட பவர் கூத்தாட்டம் போட்டுள்ளார். இந்த படத்தை அனைவரும் பார்த்து தங்கள் வாழ்நாள் பாக்கியத்தை கிட்ட வேண்டும்
என்று எல்லா வல்ல இறைவனை வேண்டுகிறேன்.


மன்னவன்:


ரஜினி மூன்று முகம், சூர்யாக்கு காக்க காக்க,விஜய்க்கு போக்கிரி மாதிரி நம்ம தல பவருக்கு மன்னவன்.இந்த படமும் கூடிய விரைவில் வெளி வந்து மக்களை மகிழ்விக்க வேண்டும்...!!


.
ஜெட்லி...(சரவணா...)

ஒரு வெயிற்பொழுதில்.....

ஒரு வெயிற்பொழுதில்.....

சரியா போன வருஷம் மே மாசத்தில் எழுதின பதிவு இது....இப்போ சும்மா ஒரு டெஸ்ட்க்கு மீள் பதிவா போடுறேன்......இப்போ வேலை செய்யுற இடத்திலே இன்டர்நெட் வந்தாச்சு... அதனால் அப்போ அப்போ பதிவு போட வாய்ப்பு இருக்கு....பார்ப்போம்... பேஸ்புக்ல எப்போதும் இருப்பேன்...!!

************************

நம்மில் பலர் மெரீனா பீச்சுக்கு ஆதவன் தன் சூட்டை தணித்த பின் காற்று வாங்கவோ, காதலியை சந்திக்கவோ, குழந்தைகளுடன் விளையாடவோ,
நடைபயிற்சி செய்யவோ, அங்கு கூட்டமாக வரும் பெண்களை சைட் அடிக்கவோ,நண்பர்களை சந்திக்கவோ,சுண்டல் வாங்கி தின்னவோ, அல்லது ஏதாவது ஒரு வோவு க்கு சென்று இருப்போம். ஆனால் மதியம் நேரம் பன்னிரண்டு மணிக்கு போய் பார்த்து இருக்கிங்களா???

நான் பார்த்ததன் விளைவு தான் இந்த பதிவு. நீ ஏன்டா பன்னண்டு மணிக்கு உச்சி வெயில்ல பீச்சுக்கு போனேன்னு கேக்க கூடாது.ஏன்னா, நானும் ஒரு எழுத்தாளன்னு ஊருக்குள்ள ரெண்டு பேரு பேசிக்கிறாங்க.ஒன்னு கண்ணு அவிஞ்சு போன மூணாவது தெரு பாட்டி இன்னொன்னு தமிழ் தெரியாத எதிர் வீட்டு பார்ட்டி!.


பைக்கில் லைட் ஹவுஸ் அடைந்தவுடன் பச்சை பசேல் என்று
இருந்தது.சில பட்டாம்பூச்சிகள் என் மீது மோதியது.ஆனால் காந்தி
சிலை தாண்டிய பின் மரங்கள் அதிகமாக மரங்கள் இல்லை.
புல் கூட காய்ந்து இருந்தது, புல்லுக்கு தண்ணி அடிக்கும்
தானியங்கி கருவி நடைபாதையிலும் தண்ணி அடித்து வருவோர்
போவோர் மீதெல்லாம் தண்ணி அடித்தது.தண்ணி கஷ்டம் அப்படின்னு சொல்றாங்க ஆன இங்க தண்ணி வீணா போகுது!!.

சுற்றுலா பேருந்துகள் மற்றும் சில வேன்களை அதன்
டிரைவர்கள் மற்றும் கிளீனர்கள் துடைத்து கொண்டு இருந்தார்கள்.
பொது இடத்தில் வண்டி கழுவ கூடாது என்ற சட்டம் என்ன ஆனது
என்று அந்த ஆண்டவனுக்கே வெளிச்சம்???.தள்ளு வண்டி கடைக்கு
சிறிது காலம் தடை போட்டு இருந்தார்கள் ஆனால் மீண்டும் கடைகள் முன்பை விட அதிகமாவே வந்து விட்டது.


பீச்சில் எந்நேரமும் அலைகளுக்கு மட்டும் தான் ஓய்வில்லை
என்று நினைத்து இருந்தேன், ஆனால் அங்கு காதலர்கள் செய்யும்
சில்மிஷங்களுக்கும் ஓய்வில்லை என்று இன்று தான் புரிந்து
கொண்டேன். சில ஜோடி குடையுடன் வெயிலை சமாளித்து கொண்டு
தங்கள் வேலையை தொடர்ந்தனர், சிலர் தங்கள் துப்பட்டாவை
உபயோகித்து தங்களை மறைத்து கொண்டனர்.


பீச்சில் முக்கிய பிரச்சனையே மொபெட் ஒட்டி வரும் பெண்கள்
தான், கண்டிப்பாக அவர்கள் பின்னால் ஒரு ஆண்மகன் உட்கார்ந்து இருந்தால் சொல்லவே வேண்டாம். அவர்கள் வண்டி ஒட்டி கொண்டே பண்ணும் சில்மிஷத்தை பார்த்தால் நைட் தூக்கம் வராது. எப்பா என்னம்மா வண்டி ஒட்டுதுங்க(உங்களுக்கு தெரியாதது ஒன்னும் இல்ல).

பீச்சில் நம்மை போன்று நடுத்தர வர்க்கத்தினருக்கு என்றே நீச்சல்
குளம், ஆனால் அதை ஒழுங்காக கிளீன் செய்வதே இல்லை.
நான் அந்த நீச்சல் குளத்துக்கு போய் ஒரு வருடம் மேல் ஆகிவிட்டது,
காரணம் நான் அங்கு கடைசியாக போன போது ஒருத்தன் சொன்ன
செய்தி தான் அது "தண்ணீரில் எலி இருக்குது" என்றான்.

என்னை போல் நீங்களும் என்றைக்காவது தனியாக மதிய நேர பீச்சுக்கு செல்லலாம், அதனால் சில குறிப்புகள்:

# உங்க வண்டியை உங்கள் கண் முன் நிறுத்தி வைத்தால் நல்லது.

# நீங்க பாட்டுக்கு கடலை பார்த்து போகும் போது குடை அழகிகள் மத்தியில் சிக்காமல் இருக்க வேண்டும்.

# கரை பக்கத்தில் சிறு படகு இருக்கிறது என்று ஏறி உட்கார்ந்து
விட வேண்டாம்... உள்ளே யாரவது இருந்தாலும் இருப்பார்கள்.


மேல உள்ள தகவல்கள் அனைவரையும் சேர ஒட்டு போடுங்கள்...
கமெண்ட் பண்ணாலும் சந்தோசம்...

உங்கள்
ஜெட்லி சரண்.

கோ - செகண்ட் ஷோ விமர்சனம்.

கோ - செகண்ட் ஷோ விமர்சனம்.


ரொம்ப நாள் ஆச்சு எங்க ஏரியா தியாகராஜா தியேட்டருக்கு படத்துக்கு போய்...போன பிறகு தான் யோசிச்சேன் ஏன் அந்த தியேட்டருக்கு போனம்னு...தியேட்டர்ல டிக்கெட் கிழிக்கிரவன்ல இருந்து எல்லாரும் புல் மப்பு....

சரி நாம கோ படத்தை பத்தி பார்ப்போம்...கண்டிப்பா இந்த படம் ஜீவாக்கு
நல்ல பெயரை வாங்கி தரும் . அப்படியே ஆள் மாறி இருக்கிறார். அப்புறம் அஜ்மல்
நல்லாவே பண்ணி இருக்கார்...அப்புறம் பியா நல்லாவே வெளிப்படுத்தி
இருக்காங்க, நடிப்பை கூட தான். பிரகாஷ் ராஜ் ஏதோ கெஸ்ட் ரோல் மாதிரி
வந்து போறார். கார்த்திகா சாரியில் நல்லா இருக்காங்க மத்தபடி பெருசா
சொல்றதுக்கு ஒண்ணும் புதுசா இல்ல.

பாட்டு எல்லாமே ஏற்கனவே ஹிட்...ஆனா வெண்பனியே பாட்டு வந்த
இடம் தான் நெருடல். அமளி துமளி லோகசன் எல்லாம் சூப்பர்.
படம் ரொம்பவே இன்ட்ரஸ்டிங்ஆ போச்சு அடுத்தது என்ன நடக்கும்
என்ன நடக்கும்னு. சில திருப்பங்கள் கணிக்க முடிஞ்சது சில திருப்பங்கள்
உண்மையிலே நல்லா இருந்தது.

கே.வி.ஆனந்த் நல்ல பொழுதுபோக்கு படத்தை கொடுத்து இருக்கார்.
சுபா, ரெண்டு பேருமே படத்திலும் நடிச்சு இருக்காங்க...சில பல மாதங்களுக்கு
முன் அடையார் டாப் சீல பரோட்டா சாப்பிடும் போது இவங்க மூணு பேருமே டீ சாப்பிட வந்தாங்க....!!

ஆகமொத்தம் இந்த லீவ்க்கு ஒரு நல்ல படம் வந்திருக்கு தாரளமா ரசிச்சு சிரிச்சுட்டு வரலாம்....!!ரீப்பீட் ஆடியன்ஸ் கிடைக்கிறது கொஞ்சம் கஷ்டம்னு நினைக்கிறேன்...

கோ - வெற்றி அரசன் !!

தியேட்டர் நொறுக்ஸ்:

# படத்தில் ஒரு காட்சியில் பியா அவர்கள் ஜீவாவிடம் எனக்கு ஒரு நைட்க்கு என்ன ரேட் தருவ என்ற பொது அறிவு கேள்விக்கு...படம் பார்த்து கொண்டிருந்த ரசிகர்கள்...
50 ..50 .. 50 னு கத்த ஆரம்பிச்சுட்டாங்க....

# வெண்பனியே பாட்டு இன்ட்ரஸ்டிங்ஆ சீன் போய்ட்டு இருக்கும் போது வரும் ...அதனால் தியேட்டரில் பெரிய சலசலப்பு ஏற்ப்பட்டது ...எல்லாருமே சலிச்சுக்கிட்டாங்க ....

சரி டைம் அதிகமா இல்ல...வானம் அப்போ பார்ப்போம்.......

ஜெட்லி...(சரவணா...)

நஞ்சுபுரம் - ஒரு கோர பார்வை....!!

நஞ்சுபுரம் - ஒரு கோர பார்வை....!!

நஞ்சுபுரம் நான் ஏன் போனேன் அப்படின்னு பார்த்தீங்கனா படத்துக்கு போய் ரொம்ப நாள் ஆச்சே ஏதாவது படத்துக்கு போவோம்னு போனோம். உண்மையிலே செம படம். இது வரைக்கும் தமிழ் சினிமால இல்ல இந்தியா சினிமால இல்ல இல்ல உலக சினிமால கூட இப்படி ஒரு படம் வந்தது இல்ல..அப்படி என்ன படத்துல ஸ்பெஷல்னு கேட்குறீங்களா??

படத்தோட தயாரிப்பாளர் ப்ரீத்த.எஸ்(ஹீரோவின் மனைவி) அவங்களுக்கே OUR SINCERE

THANKS னு படம் ஆரம்பிக்கர முன்னாடி சொல்லிகீறாங்க...ரெண்டு மணி நேர

படத்துக்குள்ள தேங்க்ஸ் சொல்றதே பத்து நிமிஷம் ஓடுதுனா பாருங்க...அப்படியே

என் கூட பால்கனியில் படம் பார்த்த பதிமூணு பேருக்கும் தேங்க்ஸ் சொல்லிருந்தா

சந்தோசமா இருந்து இருக்கும்...!!

என்ன கதை...

நஞ்சுபுரம்னு ஒரு ஊர்.... அங்க பண்ணையார் பையனா ராகவ் படத்தின் இசை அமைப்பாளரும் இவரே... மோனிக்கா தாழ்ந்த ஜாதி பெண்... அப்புறம் என்ன லவ்.... மேட்டர்னு படம் போகுது...மோனிக்கா குளிக்கிறத ராகவ் எட்டி பார்த்துட்டு சாரி ரசிச்சு பார்த்துட்டு இருக்கும் போது ஒரு நல்ல பாம்பு மோனிகாவை மட்டும் எதுக்கோ சேஸ் பண்ணுது அங்க வந்து ராகவ் பாம்பை மிதிச்சி ஹீரோயிசம் பண்றனு பாம்பை தப்பிக்க விட்டுறார்.... அடிச்ச பாம்பு பழி வாங்க வரும்னு நாப்பது நாள் ராகவை ஒரு பரண் போட்டு ஏத்தி விட்டுறாங்க....அப்புறம் என்னாச்சுனு நீங்க எங்கே வேணும்னாலும் பார்த்துக்குங்க... பார்ப்பீங்க..??

இந்த படத்தோட சில காட்சிகள் டி.வி.யில் பார்த்தப்ப இந்த படத்துக்கு போகனுமானு

யோசிச்சேன்....ஒளிப்பதிவு எல்லாம் ஒரு மாதிரி இருந்தது...ஏதோ தனியா ஒட்டி வச்ச

மாதிரி...ஆர்.ஆர்ல ராகவ் கொஞ்சம் வித்தியாசமா பண்ணி இருந்தாலும் காட்சிக்கும்

இடத்துக்கும் ஒத்து வரல...ஒரு பாட்டு நல்லா இருந்தது அவர் அந்த பரண் மேல ஏறும்

போது வரும் பாட்டு...

படத்தோட சில வசனங்கள் ரொம்ப கேவலமா இருந்தது...சில காட்சிகளும் கூட...நாம

தின்க் பண்றது ஸ்க்ரீன்ல வரும்...ராகவ் நடிகரா நல்லா பண்ணி இருக்கார்..கடைசியில்

பாம்பை பார்த்து பயப்படும் காட்சிகள் எல்லாம் சூப்பர்.அப்புறம் அந்த பாம்பு கடி

வைத்தியர் சொல்லும் ராஜா கதை எல்லாம் கொஞ்சம் இண்டரஸ்ட்ஆ இருந்தது...

படம் பார்க்கும் போது நிறைய கேள்வி வந்துக்கிட்டே இருக்கு...அதுக்கெல்லாம் இடம்

கொடுக்காம இன்னும் சுவாரசியமா பண்ணி இருந்தா நல்லா இருந்து இருக்கலாம்...

படத்துல பாம்பை காட்டறேன்னு சொல்லி என்னை மாதிரி சின்ன பசங்களை ஏமாத்தி

புட்டாங்க மக்கா... நானும் பரிசல்ல ஏறும் போது அப்ப பாம்பு இப்ப பாம்பு கூட்டம் வரும்னு பார்த்தா ஒரு புண்ணாக்கும் வரல...போஸ்டர்ல பண்ண கிராபிக்ஸ் வேலையே படத்திலும் பண்ணிருந்தா தான் என்ன......

நஞ்சுபுரம் - நஞ்சபுரம்.

தியேட்டர் நொறுக்ஸ் :

# கணபதிராம் தியேட்டர்ல தான் இந்த படத்தை பார்த்தேன்....பால்கனியில் ஒரு பதிமூணு பேர் இருந்து இருப்போம் ...கிழே ஓரளவுக்கு கூட்டம் இருந்தது...

# படத்தில ஒரு மியூசிக் அப்போ அப்போ பாம்பு போது வரும் ஏதோ சமோசா...சமோசானு பயங்கரமா...அந்த மியூசிக் இன்டர்வல் விடும் போது போட்டப்ப தான் லைட்டா கண்ணு கட்டனது முழிப்பு தட்டிச்சு !!

# கொஞ்சம் தள்ளி உட்கார்ந்து இருந்தா FAMILY AUDIENCE கேள்வி மேல கேள்வியா கேட்டுட்டு இருந்தாங்க...

பாம்பு கடிக்க வரும்னு சொல்ற நாப்பது நாள் வேற ஊருக்கு போக வேண்டியது தானே..??

ஏன் அவங்க வீட்டாண்ட பரண் கட்ட வேண்டியது தானே எதுக்கு காட்டு பக்கத்தில் கட்டுறாங்க..??னு

சரமாரி கேள்வி...

# படம் முடிச்சுட்டு வரும் போது ..." ஒரு வாரம் சீரியல்க்கு எடுத்ததை மொத்தமா படமா ரீலீஸ் பண்ணிட்டாங்க" னு பொலம்பிட்டு போனார்....

மேலும் பல பேருக்கு இந்த விழிப்புணர்வு சென்று அடைய உங்கள் பொன்னான வாக்கை அளிக்குமாறு

தாறு மாறாக கேட்டு கொள்கிறேன்....

உங்கள்

ஜெட்லி...(சரவணா...)