காதல் சொல்ல வந்தேன்....

காதல் சொல்ல வந்தேன்!!

இந்த வெள்ளிக்கிழமை மூணு படம் ரீலீஸ் ஆச்சுனு உங்களுக்கு
தெரியாதது இல்ல...எனக்கு ஒரே குழப்பம் என்ன படத்துக்கு போறதுன்னு.
சரி கடைசியா யுவனையும் பூபதி பாண்டியனின் நகைச்சுவையையும் நம்பி மாயாஜால்க்கு வண்டியை விரட்டினேன். பரவாயில்லை எதிர்ப்பார்த்ததை
விட கூட்டம் கொஞ்சம் அதிகம் தான் ஒரு நாப்பது பேரு இருந்து இருப்பாங்க...நான் எங்கே அஞ்சு ஆறு பேரு கூட சேர்ந்து படம் பார்க்க போறோமோ என்று ஒரு திங்கிங்கில் தான் போனேன்.

வழக்கத்துக்கு மாறாக ஜோடிகளை விட சேவல்களே அதிகம் காணப்பட்டன.
அதனால் தியேட்டர் நொறுக்ஸ் பற்றி சொல்லவே வேணாம்..அதுக்கு முன்னாடி நாம படத்தை பத்தி கொஞ்சமாவது பேசுவோம்...

கதையின் நாயகன் பாலாஜி...கனா காணும் காலங்களில் முத்திரை
பதித்தவர்.பட்டாளம் படத்தில் கூட நல்ல ரோல் பண்ணி இருப்பார்.
பாலாஜி நல்லாவே பண்ணி இருக்கார். ஏன் பாலாஜிக்கு டப்பிங் குரல்னு தெரியல...மேக்னாக்கு தாராள மனசுனு படத்தை பார்த்தவங்களுக்கு தெரிஞ்சு இருக்கும். கதைக்கு ஏற்ற சரியான தேர்வு தான் மேக்னா.
ஆனா ஜூனியர் பையன் கூட இந்த நெருக்கம் ஆகாது மேக்னா அக்கா.
இப்படி நெருக்கம் காட்னா யாருக்குதான் லவ் வராது??...


சபேஷ் கார்த்திக் தான் படத்தையும் நமக்கு நேரத்தையும் ஒட்ட
காமெடி செய்து இருக்கிறார். டைமிங் காமெடிகள் நன்றாகவே
இருந்தது. அதுவும் அந்த ஆனந்தராஜ் "ஹாப்பி ராஜ்" கஜினி மியூசிக்கும்,
அந்த சிங்கும் சிரிக்க வைக்கிறார்கள்.சுந்தர்ராஜன் அப்பாவாக வருகிறார்.
ஆர்யா சிறப்பு தோற்றத்தில் ஒரே சீனில் டாக்டர்ஆக வந்து போகிறார்...
ஆர்யா வர்ற சீன் நல்லாவே இருந்தது...அதுவும் அவர் சாக்லேட் பற்றி
சொல்லும் செய்திகள் எனக்கு புதுசு...இப்பதான் எனக்கு தெரியுது ஏன்
நம்ம பசங்க பெரிய பெரிய பார் சாக்லேட் வாங்கி கொடுக்குறாங்கனு...



காதலை ஏன் சொன்ன??

ரெண்டு வயசு பெரிய பொண்ணோட பார்த்தவுடனே காதல் வந்தது
சரி...அவதான் தம்பினு சொன்ன பிறகும் ஏன் காதலை சொல்லணும்...
சத்தியமா இந்த படத்தை பார்த்த எந்த ஒரு லவ் பீலிங்க்ஸ்ஸும்
வரவில்லை என்பதே உண்மை எரிச்சல் தான் வந்தது. அதுக்காக படம் மொக்கையானு கேட்டா அப்படி எல்லாம் சொல்ல முடியாது. இது ஒரு
டைம் பாஸ் படம்... யுவன் சாங்க்ஸ், காமெடி மற்றும் படத்தின் நீளம்
(வெறும் ரெண்டு மணி நேரம் தான்) இவையெல்லாம் படத்துக்கு ப்ளஸ்...
முதல் பாதி வேகமாய் போனாலும் ரெண்டாவது பாதியில் ஆடி மாசம்
ஸ்பீக்கர் மாதிரி பாலாஜி சொன்னதே சொல்லி கொண்டிருப்பது கொஞ்சம்
சலிப்பை வரவைக்கிறது....!!


காதல் சொல்ல வந்தேன் : சரியான ஜோடியா பார்த்து சொல்லி இருக்கலாம்!!


தியேட்டர் நொறுக்ஸ்:

# மாயாஜால் இன்னொரு ஆராதனா தியேட்டராக மாறி கொண்டு வருகிறது...
சுத்தம் சுத்தமா இல்லை...நம்ம அரசு பேருந்தில் சீட்டில் தலைக்கு ஒரு வெள்ளை துணி கருப்பாய் இருக்குமே அது போல் இங்கே பேப்பரில் வைத்து...எத்தனை நாள் ஆச்சுனு தெரியல...சீட்டில் ஒட்டடையா இல்லை அந்த பேப்பர்ஆ என்று ஒரே குழப்பம்....!! அதே போல் படம் ஆரம்பித்த ரெண்டு நிமிடத்தில் படம் நின்று விட்டது...இதை பார்த்த நம்ம ஆட்கள் " படம் விட்டாங்க வாயா போவோம்"என்று கலாய்க்க ஆரம்பித்து விட்டனர்.நான் போனது ஸ்க்ரீன் எட்டில் புது ஸ்க்ரீன்ஏ இந்த லட்சணம்....இதில் வேறு இன்னும் நான்கு புதிய ஸ்க்ரீன்கள் வரபோதாம்....இனி மாயாஜால் போவதை கொஞ்ச நாள் நிறுத்தி வைக்கணும்...

# பாலாஜி கதை சொல்ல ஆரம்பிப்பார்..."நான் சந்தியாவை எப்போ பார்த்தேன்?"..

இங்கே நம் குடிமகன் கத்தி "யாரை கேட்குற..."


# இன்டெர்வல் ப்ளாக் தான் படத்தில் மிக பெரிய காமெடி...கிட்டத்தட்ட
தியேட்டரில் அனைவரும் சிரித்து விட்டனர்...ஆனா அது காமெடி காட்சி
அல்ல ட்ராஜடி காட்சி....ஆனா காமெடி ஆகி போச்சு...


# நண்பர்கள் குழுவாய் வந்தவர்கள் ரெண்டாவது பாதி மொக்கையை பார்த்துட்டு இருக்கும் போதே "டேய் வெளியே போய் கிரிக்கெட்ஆவது பார்க்கலாம்டா..."என்று சொல்லி கொண்டிருந்தார்.

# ஒரு காட்சியில் பாலாஜி "இப்ப என்ன பண்ணலாம்??" என்று கேட்பார்..
இங்கே நம்ம ஆள் " நாம எந்திருச்சி வெளியே போலாம்..." என்றார்..செம டைமிங்...


# ரெண்டாவது பாதியில் காலேஜ் டி.சி. வாங்க சுந்தராஜன்,பாலாஜி அவரது
அம்மா மூவரும் ஓவர் பீலிங்க்ஸ்...அதுவும் அம்மா பேசறது எல்லாம் முடியல...பின்னாடி இருந்த நம்ம ஆள் "ஒக்காளி ஓவர்ஆ பண்றாங்க மச்சான்..." என்று நண்பரிடம் ஆதங்கத்தை வெளிப்படுத்தினார்.


# கரெக்ட்ஆ அன்புள்ள சந்தியா பாட்டு வரதுக்கு முன்னாடி ரெண்டாவது
ரோவில் இருந்த குடிமகன் நினைவிருக்கும் வரை பாட்டை எடுத்து விட்டார்
"சந்தியா சந்தியா சம்மதம் சொல்வாயா..."னு தியேட்டரே சிரிப்பில் மூழ்கியது.


# மேக்னா ஒரு காட்சியில் பாலாஜியிடம் "ஊருக்கு போறேன்..." என்பார்...
வெறுப்பில் இருந்த ஒரு நபர் " போய் தொலை சனியனே..." என்று
கத்தினார்...


# கடைசி காட்சியில் பஸ் டிரைவரிடம் தான் வந்து பஸ் முன் விழும்
போது பிரேக் போட்டுருங்க அண்ணே என்று பாலாஜி சொல்வார்...
இங்கே சைடில் இருந்தவர்..."டேய் அது கவர்மன்ட் பஸ்டா....நீ சத்தியமா
காலி...ஏதோ தண்ணி வண்டினா கூட பரவாயில்லை...." என்று உரக்க
கத்தினார்...மீண்டும் சிரிப்பலை...

# கிளைமாக்ஸ் காட்சியில் பாலாஜி இறந்தவுடன் பின்னாடி இருந்த
நண்பர்கள் குழு..."சக்சஸ்..சக்சஸ்..சக்சஸ்.." என்று பெரும் கூச்சல்
போட்டு சந்தோசத்தை பகிர்ந்து கொண்டார்கள் என்றால் பார்த்து
கொள்ளுங்கள்....

# படம் பார்த்துட்டு வண்டி எடுக்க வந்தா...பாருங்க சைட் மிர்ரர் கதியை..

ஆனா இந்த அளவுக்கு எல்லாம் வளைச்சு இது வரைக்கும் பார்த்தது
இல்லை....இந்த தடவை முதல்லே பார்த்துட்டேன்...சில தடவை பார்க்காமலே வண்டி எடுத்து விட்டு கொஞ்சம் தட்டு தடுமாறி மாற்றுவேன்....
என்னத்த சொல்றது போங்க....


இந்த விழிப்புணர்வு பல பேரை சென்று அடைய உங்கள் வாக்கினை
போடுமாறு கேட்டு கொள்கிறேன்....

ஜெட்லி...(சரவணா...)