Friday, September 30, 2011

முரண் , வாகை சூட வா, வெடி , உளவாளி ஜானி...!!

முரண் , வாகை சூட வா, வெடி , உளவாளி ஜானி...!!




இந்த வீக்கென்ட் என்ன படத்துக்கு போலாம்னு முடிவு பண்ண இன்னும் கொஞ்ச நேரத்தில் மேல உள்ள படங்களோட ரிசல்ட் உங்களுக்கு தெரிஞ்சுரும். அது சரி நீ ஏன்டா படம் பார்க்காம பதிவு எழுதுறேன்னு கேட்டா.... வேற ஒண்ணும் இல்ல சும்மா தான். இன்னைக்கு ரீலீஸ் ஆக போற படங்களோட என்னோட என்னோட கருத்துக்களை சொல்லலாம்னு ஆசைப்பட்டுடேன்...வேற ஒண்ணும் இல்ல...யாருக்கு தெரியும் காலையில் ஷோ ஏதாவது தியேட்டர்இல் போய் உட்காரவும் வாய்ப்பு இருக்கு...!!


நான் இன்னைக்கு முரண் போலாம்னு நினைச்சேன் ஆனா எங்க ஏரியா பக்கம் எங்கையும் வரல...ஆராதனாவில் மாலை காட்சி தான்.மாயாஜால் போக எல்லாம் இப்ப இன்ட்ரஸ்ட் இல்ல.முரண் மேல ஏன் அவ்ளோ ஆர்வம் எனக்கு சேரன் தான் பிடிக்காதேனு நீங்க நினைக்கலாம்..சேரன் புடிக்காதுதான் ஏன் புடிக்காது அந்த ஆள் அழுதுட்டு, லவ்வர் கிட்ட டேய் டேய் என்னடானு வசனம் பேசும் போது எல்லாம் பயங்கர கடுப்பா இருக்கும் எனக்கு... ஆனா அவர் நடிச்ச ராமன் தேடிய சீதை படத்தில் சேரனை ரசிக்கவே செய்தேன். மேலும் முரணில் பிரசன்னா இருக்கிறார்.பிரசன்னா நடிச்ச நிறைய படங்களை பார்த்து இருக்கிறேன்..இயல்பான நடிகர். முரண் ஒரு ரோட் படம் இல்லனாலும் ஏதோ பார்க்கணும் அப்படின்னு ஆர்வம் இருக்கு..ரெண்டு மூணு பாட்டு கூட நல்லா தான் இருக்கு... பார்ப்போம்...


போன வருஷம் களவாணி படத்தை FDFS மாயாஜால்ல பார்த்தேன்...ஆனா வாகை சூட வா படத்தை பார்க்கணும்னு தோணல...ஹிட்னு சொன்னாங்கனா போய்க்கலாம்னு இருக்கேன். ரொம்ப ஹார்ட் ஆனா சப்ஜக்ட்ஆ இருக்கும்னு பீலிங்...எனக்கு பாட்டு கூட அவ்வளவா பிடிக்கல...பார்க்கலாம்...



வெடி... ஹி ஹி.. விஷால், விவேக், பிரபு தேவானு பேரே கேட்டாலே சும்மா பகிருது,... தெலுகு படம் ரீமேக் என்பதால் படம் டைம் பாஸ் ஆக வாய்ப்பு இருக்கிறது பார்ப்போம்..


உளவாளி ஜானி...பீன் நடிச்ச படம்...கண்டிப்பா இந்த படத்தை பார்ப்பேன்... சிம்போனில போட்டு இருக்காங்க... முடிஞ்சா வரைக்கும் பார்த்துட்டு சொல்றேன்....




ஜெட்லி...(சரவணா...)